Qonşu ölkələr bir-birlərinə məxsus yük maşınlarının hərəkətinə qadağa qoyublar.

Ukrayna sərhəddində qalan TIR-lar

Rusiya Ukraynaya məxsus yük avtomobillərinin hərəkətinə qadağa qoyub. ANS PRESS-in məlumatına görə, Rusiya hökuməti, Ukraynada qeydiyyatda olan rus avtomobillərinin qanunsuz olaraq hərəkətinin qadağan olunmasından sonra belə bir addım atıb.

Rusiyanın nəqliyyat nazirliyi bunun Ukraynaya adekvat cavab olduğunu bildirib. Nazirlik Ukraynanın bu hərəkətini ölkələr arasında əldə olunan beynəlxalq yol nəqliyyatı razılaşmasının kobud şəkildə pozulması kimi şərh edib.

Razılaşma ölkə ərazisindən tranzit kimi istifadə edən avtomobillərin sərbəst şəkildə hərəkətini təmin edir.

Rusiya hökuməti Ukraynanın qadağanı aradan qaldırmaq üçün hələlik heç bir tədbir görmədiyini qeyd edib. “Rusiyanın bu barədə müraciəti cavabsız qalıb. Rusiya Ukraynanın bu hərəkətinə qarşı Ukraynada qeydiyyatda olan yük avtomobillərinin hərəkətini dayandırıb.” – deuə Nazirliyin bəyanatında bildirilir.

Nazirliyin məlumatına görə, hazırda Ukraynada 100-dən çox yük avtomobilinin hərəkəti dayandırılıb. Rusiyaya qayıtmalı olan 500-dən çox avtomobil isə,Avropa ölkələrindən Ukrayna ərazisinə daxil ola bilmir.

Daha əvvəl Polşa da Rusiyaya məxsus yük avtomobillərinin ölkə ərazisinə daxil olmasına icazə verməmişdi.

Mənbə: http://www.anspress.com/iqtisadiyyat/15-02-2016/ukrayna-rusiyanin-tranzit-yolunu-bagladi