Dollar yenidən ucuzlaşdı

Azərbaycan Mərkəzi Bankı sabaha olan məzənnəni açıqladı.

ABŞ dolları

Azərbaycan Mərkəzi Bankı fevralın 16-na manatın məzənnəsini açıqlayıb.

Mərkəzi Bankdan ANS PRESS-ə verilən məlumata görə, 16.02.2016-cı il tarixinə USD/AZN rəsmi məzənnəsi 1,5679 səviyyəsində müəyyən olunub.

Qeyd edək ki, fevralın 15-nə USD/AZN rəsmi məzənnəsi 1,5711 səviyyəsində olub.

Avrozonanın vahid valyutası olan avro həftəyə 1,7631 manatdan başlayıb.Rusiya rublu isə 0,0201 manatdır. 

AMB İdarə Heyətinin dekabrın 21-dəki qərarı ilə üzən məzənnə rejiminə keçid edib. Bu qərar nəticəsində manatın məzənnəsi sürətlə ucuzlaşıb. 

Valyutadəyişmə məntəqəsi

Uzunmüddətli xarakter daşıyan xarici iqtisadi şokların güclənməsini nəzərə alaraq tədiyə balansının tarazlaşdırılması, ölkənin valyuta ehtiyatlarının kritik səviyyədə qorunması, milli iqtisadiyyatın beynəlxalq rəqabət qabiliyyətinin təmin olunması məqsədilə Mərkəzi Bankın İdarə Heyəti 21 dekabr 2015-ci il tarixində üzən məzənnə rejiminə keçilməsi barədə qərar qəbul edib. 

Bu qərara əsasən, manatın məzənnəsi başlıca olaraq valyuta bazarında tələb və təklifin nisbətini müəyyən edən fundamental amillərin təsirinə uyğun olaraq formalaşacaq. Mərkəzi Bankın valyuta bazarında iştirakı isə bu rejimə uyğun həyata keçiriləcək.

Üzən məzənnəyə keçid haqda qərar fevraldan sonra ikinci dəfə manatın ABŞ dollarına qarşı kəskin ucuzlaşmasına səbəb olub.

Mənbə: http://www.anspress.com/iqtisadiyyat/15-02-2016/dollar-yeniden-ucuzlasdi