Azərbaycan bütün qonşularını geridə qoydu

Ümumdünya iqtisadi forumunun siyahısında 32-ci olduq.

Dünya iqtisadi forumu

Azərbaycan bu dəfə də qonşularını geridə qoydu. ANS PRESS-in məlumatına görə, Ümumdünya iqtisadi forumu ənənəvi enerji arxitekturasının funksional indeksi (EAPI) siyahısını açıqlanıb. 126 ölkə adının yer aldığı bu reytinqdə Azərbaycan 32-ci yerdə qərarlaşıb. Ölkəmiz MDB məkanındakı dövlətləri də geridə qoya bilib. 

Enerji arxitekturasının funksional  indeksi 18 göstəriciyə əsasən hazırlanıb. Bunlar da aşağıdakılar üzrə qruplaşdırılıb:

• İqtisadiyyatın inkişafı;
• Ekologiya;
• Əlçatanlıq;
• Təhlükəsizlik.

Dünya iqtisadi forumunun təqdim etdiyi siyahı

Adı çəkilən göstəricələ görə,  Azərbaycanın qonşu ölkələri ondan xeyli geridə qalır. Məsələn, reytinqə əsasən, Türkiyə 40, Gürcüstan 46, Rusiya 52,Ermənistan 56, İran isə 117-ci yerdədirlər. Mərkəzi Asiya ölkələrinə gəldikdə Tacikistan 45, Qazaxıtan 57, Özbəkistan 84, Qırğızıstan və Türkmənistan isə 96 və 118-ci yerləri bölüşüblər.

Siyahıya başçılıq edən beşlik bunlardır:

Reytinqdə ilk beşlik

Dünya iqtisadi forumunun tərtib etdiyi siyahı Yəmən, Livan, Bəhreyn kimi ölkələrlə tamamlanır. 

Ötən il də enerji arxitekturasının funksional indeksində ölkəmiz qonşularımızı geridə qoyaraq xeyli irəlidə olub. Belə ki, 2015-ci ilin reytinqində Azərbaycan 33, Rusiya 39, Gürcüstan 48, Ermənistan 50, Türkiyə 54, İran isə 118-ci yerdə olub.

EAPI siyahısı 2011-ci ildən açıqlanır. Sərmayəçilər öz layihələrini həyata keçirmək üçün ölkə seçərkən bu siyahıya əsaslanırlar.  

Mənbə: ANSPRESS

http://www.anspress.com/iqtisadiyyat/05-03-2016/azerbaycan-butun-qonsularini-geride-qoydu